Skip to the content
Menu

به‌بۆنه‌ی جه‌ژنی كرێكارانی جیهان سه‌رۆكایه‌تیی په‌رله‌مان په‌یامێكی پیرۆزبایی ئاراسته‌ی كرێكارانی كوردستان ده‌كات

به‌بۆنه‌ی 1ى ئایار جه‌ژنی كرێكارانی جیهان، سه‌رۆكایه‌تیی په‌رله‌مانی كوردستان، په‌یامێكی پیرۆزباییی ئاراسته‌ی كرێكارانى كوردستان و جیهان ده‌كات، كه‌ ئه‌مه‌ ده‌قه‌كه‌یه‌تی:
به‌بۆنه‌ی 1ی ئایار، جه‌ژنی كرێكارانی جیهان، پیرۆزباییه‌كی گه‌رم ئاراسته‌ی كرێكارانی كوردستان و جیهان ده‌كه‌ین، یه‌كی ئایار له‌ جیهاندا بووه‌ته‌ هێمای تێكۆشان و كۆڵنه‌دانی كرێكاران له‌پێناو به‌دیهێنانی مافه‌كانیان.
په‌رله‌مانی كوردستان له‌ خولی پێنجه‌مدا كار ده‌كات له‌سه‌ر به‌دیهێنان و پاراستنی مافی كرێكارانی كوردستان له‌ رێگه‌ی په‌سندكردنی یاساو هه‌مواركردنه‌وه‌ى ئه‌و یاسایانه‌ی كه‌ په‌یوه‌ستن به‌ده‌سته‌به‌ركردنی ماف و فه‌راهه‌مكردنی خۆشگوزه‌رانیی سه‌رجه‌م كرێكاران. 
پیرۆزبێت یه‌كی ئایار جه‌ژنی كرێكارانی جیهان.. 
سه‌رۆكایه‌تیی په‌رله‌مانی كوردستان