پەیامی هاوخەمیی سەرۆکایەتیی په‌رله‌مان له‌باره‌ى تەقینەوەکەی قامیشلۆ و عه‌فرین
سەرۆکایه‌تیی په‌رله‌مانى کوردستان پەیامێکی هاوخه‌میى لەبارەی تەقینەوەکانی قامیشلۆ و عه‌فرین بڵاوکردەوە كه ئه‌مه ده‌قه‌كه‌یه‌تی:
پەیامی هاوخەمیی سەرۆکایەتیی پەرلەمانی کوردستان
بەداخ و کەسەرێکی زۆرەوە هەواڵی تەقینەوەکه‌ی قامیشلۆ و عه‌فرین-مان بیست کە بووە هۆی شەهیدو برینداربوونی ژمارەیەک لە خەڵکی مەدەنیی ئەو دوو شارە خۆشەویستە، وێڕای هاوخەمی و هاوبەشی لە خەمی قوربانیان بەتوندی ئیدانەی ئەو کردەوە تیرۆریستییە دەکەین.
ئەنجامدانی ئەو تەقینەوانە سەلمێنەری ئەوەیە کە پێویستە هەمووان بە یەکڕیزی و یەکدەستی بۆ بەرگری لە خاک و بەرپەرچدانەوەی تیرۆریستان دەست بخەینە ناو دەست.
داوا لە فەرمانگه‌کانی حکومەتی هەرێمی کوردستانیش دەکەین لە هەبوونی هەر پێویستییەک بۆ هاوکاریکردنی قوربانیان و خەڵکی رۆژئاوای کوردستان درێخی نەکەن.
سه‌رۆكایه‌تیی په‌رله‌مانى كوردستان
11/7/2019