لیژنەی ناوچەکانی دەرەوەی ئێدارەی ھەرێم بە بۆنەی بردنەوەی تانەی دادگای فیدراڵی لە سەر یاسایی ھەلبژاردنی ئەنجوومەنی پارێزگاکانی عێراق پیرۆزبایی لە خەڵکی ئەوناوچانە کرد
پێشنیوەڕۆی ئەمڕۆ ١٢/١١/٢٠١٩ لیژنەی ناوچەکانی دەرەوەی ئیدارەی ھەرێمی کوردستان لە کۆنگرەیەکی ڕۆژنامەوانی دا بەبۆنەی تانەی دادگای باڵای فیدراڵی لە یاسای هەڵبژاردنی پارێزگاکان پیرۆزباییان لە خەڵکی ناوچەکانی دەرەوەی ئیدارەی ھەرێم کرد، کە ۲۲/۷/۲۰۱۹ لە لایەن ئەنجومەن نوێنەرانی عێراق دەنگی لەسەر درابوو، و بەهیچ شێوەیەک لەگەڵ دەقەکانی دەستووری عێراقدا کۆک نەبوو ، کە بە هۆیەوە ڕێژەیەکی زۆری هاوڵاتیان بێ بەش دەبوون لە مافی دەنگدان، بە تایبەت ئەو هاوڵاتییە کوردانەی کە لە ناوچەکانی خۆیان ئاوارەبوونە و لە ئێستادا ناتوانن بگەڕێنەوە ناوچەکانیان، لەبەر بەرپرسایەتی لیژنەکە بەو بابەتەوە بە ڕاوێژ و ھەماھەنگی لەگەڵ دەستەی سەرۆکایەتی پەرلەمانی کوردستان لە ڕێکەوتی ١٥/٩/٢٠١٩ بەرێگای پارێزەری لیژنە سەردار ھەرکی لە دادگای باڵای فیدڕاڵی عێراق تانە لە یاساکە درا و ئەمڕۆ دادگاکە تانەکەی پەسەند کرد و ماددەکانی (٣، ۱۲، ۱٦، ۱۷)ی لە یاساکەدا هەڵوەشاندەوە، بۆ ئەم مەبەستەش لە ڕێگەی کۆنگرە ڕۆژنامەوانیەکەدا سەرۆک و ئەندامانی لێژنەکە پیرۆزباییان لە خەڵکی ناوچەکانی دەرەوەی ئیدارەی هەرێم بە تایبەتی و خەڵکی کوردستان بە گشتی کرد.