لیژنه‌ى كۆمه‌ڵایه‌تى تاوتوێى پێشنیازى هه‌موارى ماف و ئیمتیازاتى خاوه‌ن پێدوایستى تایبه‌ت ده‌كه‌ن

پێشنیوه‌ڕۆى ئه‌مڕۆ سێ شه‌ممه‌ ٢٩/١٠/٢٠١٩  لیژنه‌ى كاروبارى كۆمه‌ڵایه‌تى و داكۆكى كردن له‌مافى ئافره‌ت و داكۆكى كردن له‌مافى مرۆڤ به‌سه‌رپه‌رشتى رۆمیۆ هه‌كارى سه‌رۆكى لیژنه‌كه‌و بڕیارده‌ر و ئه‌ندامان و راوێژكارانى لیژنه‌كه‌ كۆبوونه‌وه.‌

له‌م كۆبوونه‌وه‌یه‌ لیژنه‌كه‌ تاوتوێ و گفتوگۆى له‌سه‌ر ده‌قى پێشنیازى هه‌موارى یاساى ماف و ئیمتیازاتى كه‌مئه‌ندام و خاوه‌ن پێداویستى تایبه‌ت له‌ هه‌رێمى كوردستان ـــ عیراق كرد.

ئه‌و كۆبوونه‌وه‌یه‌ كه‌ بۆ نوسینى راپۆرتى لیژنه‌كه‌ بوو له‌سه‌ر پێشنیازى هه‌موارى یاساكه‌ و چه‌ندین تێبینى و سه‌ره‌نج له‌لایه‌ن ئه‌ندامانه‌وه‌ تیشكی خرایه‌ سه‌ر.

له‌ كۆتایی كۆبوونه‌وه‌كه‌ش لیژنه‌كه‌ بڕیاریدا بۆ ده‌وڵه‌مه‌ندكردنى پێشنیازى هه‌موارى یاساكه‌و به‌رژه‌وه‌ندى خاوه‌ن پێداویستیه‌ تایبه‌ته‌كان له‌ كۆبوونه‌وه‌كانى داهاتووى لیژنه‌كه‌ راوێژ به‌كه‌سانى شاره‌زا و رێكخراوه‌كانى تایبه‌ت به‌بوارى خاوه‌ن پێداویستى تایبه‌ت بكرێت.