سەرۆکی پەرلەمانی کوردستان پەیامێکی پیرۆزبایی ئاراستەی پارتی چاکسازی تورکمان کرد
د. ڕێواز فایەق سەرۆکی پەرلەمانی کوردستان، بەبۆنەی یادی دامەزراندنی پارتی چاکسازی تورکمان پەیامێکی پیرۆزبایی ئاراستەی سەرۆک و ئەندامانی سەرکردایەتی و سەرجەم ئەندام و لایەنگرانی پارتەکە کرد، ئەمەی خوارەوە دەقی پەیامەکەیە:
بە بۆنەی ١٥ ھەمین ساڵیادی دامەزراندنی پارتی چاکسازی تورکمان، جوانترین پیرۆزبایی خۆمان ئاڕاستەی سەرۆک و ئەندامانی سەرکردایەتی و سەرجەم ئەندام و لایەنگرانی پارتەکەتان دەکەین، ئومێدەوارین ئەم یادە ببێتە مایەی زیاتر پتەوکردنی پەیوەندی نێوان گەل و پێکھاتەکانی کوردستان و توند و تۆڵی و یەکڕیزی زیاتری حیزبە کوردستانیەکان، لەم یادەدا ھیوای سەرکەوتنی زیاترتان بۆ دەخوازین لە ڕاپەڕاندنی ئەرکی حیزبی و سیاسیدا، ھەرسەرکەوتوو و سەرفرازبن.
د. ڕێواز فایەق
سەرۆکی پەرلەمانی کوردستان
٢٣/٤/٢٠٢٠