هێمن هەورامی پەیامێکی هاوخەمی ئاراستەی خانەوادەی خوالێخۆشبوو مستەفا نێروەیی کرد
بنەماڵە و خانەوادەی خوالێخۆشبوو مستەفا نێروەیی
بە خەمێکی قوڵەوە هەواڵی کۆچی دوایی پێشمەرگەی دێرین و خەباتگێڕی گەلەکەمان ( مستەفا نێروەیی)مان بیست، خوالێخۆش بوو مرۆڤێکی پاک و خاوەن هەڵوێستی کوردانە و پێشمەرگەیەکی دێرینی هەردوو شۆڕشی مەزنی ئەیلول و گوڵان بوو، بەدرێژایی ژیانی وەفاداری ڕێبازی پیرۆزی بارزانی و پێشمەرگەیەکی گیان لەسەر دەستی کوردستان، و کەسایەتییەکی دیاری کۆمەڵایەتی بوو. بەم بۆنە خەمناکەوە پرسە و هاوخەمی خۆمان ئاراستەی خانەوادە و کەس و کاری دەکەین، و داواکارین لە یەزدانی مەزن مەنزلگەی بەهەشتی بەرین بێت و رێبازی پڕ رێبوار بێت.
"انا لله وانا الیە راجعون"
هێمن هەورامی
جێگری سەرۆکی پەرلەمانی کوردستان
١٠/١٢/٢٠٢٠