سەرۆكایه‌تیی پەرلەمان جه‌ژنی رۆژووی خدر ئیلیاس له‌كوردانی ئێزدی پیرۆز دەكات
به‌بۆنه‌ی هاتنه‌وه‌ی جه‌ژنى رۆژووی "خدر ئیلیاس"ی كوردانی ئێزدى، ده‌سته‌ی سه‌رۆكایه‌تیی په‌رله‌مانی كوردستان په‌یامێكی پیرۆزبایی ئاراسته‌ی خوشك و برایانی ئێزدی له‌كوردستان و عێراق و جیهان ده‌كات، ئه‌مه‌ش ده‌قی په‌یامه‌كه‌یه:
بەبۆنەی هاتنەوەی جەژنی رۆژووی "خدر ئیلیاس"ی كوردانی ئێزدی، جوانترین و گەرمترین پیرۆزبایی ئاراستەی خوشك و برا ئێزدییەكان لەكوردستان و عێراق و جیهان دەكەین و هیوادارین هەموو رۆژێكیان جەژن و خۆشی بێت، و لەسایەی كوردستانێكی ئازادو پێكه‌وه‌ژیانی ئاشتییانه‌ی نێوان سه‌رجه‌م پێكهاته‌كاندا هه‌میشه له‌ئاشتی و ئارامی و تەباییدا بژین، و چیتر ئەو نەهامەتییانەی بەسەریاندا هاتووە دووبارەنەبنەوە،و بەسەرفرازی بگەڕێنەوە سەر زێدی باب و باپیرانی خۆیان، دووبارە پیرۆزبایی لەخوشك و برا ئێزدییەكان دەكەین و هیوادارین هەموو ساڵێك ئەم جەژنە بەخۆشی و شادی وئاسوودەیی و ئازادی بگێڕن.
ده‌سته‌ی سەرۆكایه‌تیی پەرلەمانی كوردستان
2020/2/19