Skip to the content
Menu

شاندێكی لیژنه‌ی ئاوه‌دانكردنه‌وه‌و وه‌به‌رهێنان سه‌ردانی ده‌سته‌ی وه‌به‌رهێنان ده‌كات

به‌مه‌به‌ستی دروستكردنی په‌یوه‌ندی و هه‌ماهه‌نگی و كارى پێكه‌وه‌یى، ئه‌مڕۆ دووشه‌مه‌ 2020/2/3، شاندێكی لیژنه‌ی ئاوه‌دانكردنه‌وه‌و وه‌به‌رهێنان له‌ په‌رله‌مانى كوردستان كه‌ پێكهاتبوو له‌ هاوڕێ مه‌لا ستار سه‌رۆكی لیژنه‌و د.هه‌ورامان گه‌چێنه‌یى و به‌همه‌ن كاك عه‌بدوڵا و مژده‌ مه‌حمود و سارا دڵشاد ئه‌ندامانى لیژنه‌كه‌ سه‌ردانی ده‌سته‌ی وه‌به‌رهێنانى حكومه‌تی هه‌رێمی كوردستانی كردو له‌لایه‌ن د.محه‌مه‌د شوكرى سه‌رۆكی ده‌سته‌كه‌وه‌ پێشوازیی لێكرا.

له‌دیدارێكدا وێڕای جه‌ختكردنه‌وه‌ له‌سه‌ر پته‌وكردنی زياترى په‌یوه‌ندییه‌كان و هه‌ماهه‌نگیی زیاترو كارى پێكه‌وه‌یی له‌نێوان لیژنه‌ى ئاوه‌دانكردنه‌وه‌و وه‌به‌رهێنان له‌ په‌رله‌مان و ده‌سته‌ی وه‌به‌رهێنانى حكومه‌تی هه‌رێم، چه‌ندین سه‌رنج و تێبینی و پێشنیازو پرس بۆ پێشخستنی كه‌رتى وه‌به‌رهێنان له‌ هه‌رێمى كوردستاندا خرانه‌ڕِوو.