هێمن هه‌ورامی پرسەنامەیەكی ئاراستەی كۆسرەت ڕەسول كرد
هێمن هەورامی جێگری سەرۆکی پەرلەمانی کوردستان، بۆ کۆچی دوایی دایکی هاوسەری کۆسرەت ڕەسول عه‌لی سەرۆکی ئەنجوومەنی باڵای سیاسی و به‌رژه‌وه‌ندیی یەکێتیی نیشتیمانیی کوردستان، پەیامێکی هاوخەمیی ئاراستەکردن، ئەمەی خوارەوە دەقی پەیامەکەیە:
بەڕێز کاک کۆسره‌ت ڕەسول عەلی، سەرۆکی ئەنجومەنی باڵای سیاسی و به‌رژه‌وه‌ندیی یەکێتیی نیشتیمانیی کوردستان
بەبۆنەی کۆچی دوایی خاتوو ته‌مینە ئەحمەد عەلی کە دەکاتە دایکی هاوسەری بەڕێزتان، پرسەو سەرەخۆشیی خۆم ئاراستەی بەڕێزتان و خانەوادەی خوالێخۆشبوو دەکەم.
داواکارم لە یەزدانی مەزن کۆچکردوو بە بەهەشتی بەرین شاد بکات و ئارامی بەهەموو لایەک ببەخشێت.
"انا لله وانا الیه راجعون"
هێمن هەورامی
جێگری سەرۆکی پەرلەمانی کوردستان
2020/6/24