Skip to the content
Menu

لیژنه‌ی كاروباری په‌رله‌مان و سكاڵا كۆبوونه‌وه‌ى ئاسایی خۆی ئه‌نجامدا

پێشنیوه‌ڕۆی ئه‌مڕۆ سێشه‌ممه‌ 2020/11/24، لیژنه‌ی كاروباری په‌رله‌مان و سكاڵا، به‌سه‌رپه‌رشتيی د.ئیسماعیل سگیری سه‌رۆكی لیژنه‌و ئاماده‌بوونی جێگری سه‌رۆكی لیژنه‌و ئه‌ندامان و ڕاوێژكارانی لیژنه‌كه‌ كۆبوونه‌وه‌ی ئاسایی خۆی ئه‌نجامدا.

سه‌رەتای كۆبوونه‌وه‌كه‌ سه‌رجه‌م ئه‌و نووسراو و سكاڵاو یاداشتانه‌ی ئاراسته‌ی لیژنه‌كه‌ كرابوون خوێندرانه‌وه‌. دوای گفتوگۆی نێوان ئه‌ندامان و خستنه‌ڕووی سه‌رنج و پێشنیازه‌كانیان له‌سه‌ر ئه‌و نوسراوانه‌، ئاراسته‌ی لایه‌نی په‌یوه‌ندیداركران به‌مه‌به‌ستی به‌دواداچوون و چاره‌سه‌ركردنيان.

له‌به‌شێكی تری كۆبوونەوەكه‌دا، گفتوگۆكرا له‌سه‌ر بابه‌تی كرێی خزمه‌تگوزاری و كاره‌بای شوقه‌كانی نازستی و گوندی ئیتاڵی، كه‌ په‌رله‌مانتاران تیایدا نیشته‌جێن و بڕیاردرا داوا له‌سه‌رۆكایه‌تيی دیوانی په‌رله‌مان بكرێت به‌دواداچوون له‌سه‌ر ئه‌م بابه‌ته‌ بكات و له‌گه‌ڵ ستافی كارگێڕی دابنیشێت و دڵنیا بێت له‌ڕاستی و دروستيی كاره‌ كارگێڕیيه‌كانیان.