Skip to the content
Menu

لیژنه‌ی داكۆكیكردن له‌مافی ئافره‌ت كۆبووه‌وه‌

ئه‌مڕۆ سێشه‌ممه‌ ٢٠٢١/٤/١٣ لیژنه‌ی داكۆكیكردن له‌مافی ئافره‌ت، به‌سه‌رپه‌رشتيی له‌نجه‌ دزه‌یی سه‌رۆكی لیژنه‌و ئاماده‌بوونی جێگرو بڕیارده‌رو ئه‌ندامان و ڕاوێژكارانی لیژنه‌کە، كۆبوونه‌وه‌ی ئاسایی خۆی ئه‌نجامدا.

له‌كۆبوونه‌وه‌كه‌دا گفتوگۆكرا لەباره‌ی دادپه‌روه‌ريی جێنده‌ری له‌بودجه‌ی ساڵی ٢٠٢١. سه‌رۆك و ئه‌ندامان جه‌ختيیان له‌سه‌ر ئه‌وه‌ كردەوە كه‌ده‌بێت له‌سێكته‌ره‌ جیاوازه‌كاندا ڕه‌چاوی دادپه‌ره‌وه‌ريی جێنده‌ری بكرێت، بڕیاردرا له‌ڕێگه‌ی سه‌رۆكایه‌تیی په‌رله‌مانه‌وه‌ هه‌ماهه‌نگی بكرێت بۆ ئه‌نجامدانی كۆبوونه‌وه‌یه‌كی هاوبه‌ش له‌نێوان ليژنه‌ی داکۆکیکردن لەمافی ئافرەت و لایه‌نی په‌یوه‌ندیدار له‌حكومه‌تی هه‌رێم بۆ قسه‌كردن له‌سه‌ر ئه‌و بابه‌ته‌.

له‌ته‌وەرێكی تری كۆبوونه‌وه‌كه‌دا سه‌رجه‌م ئه‌و نووسراو و یاداشت و داواكارییانه‌ی ئاراسته‌ی ليژنه‌كه كرابوون خوێندرانه‌وه‌، دوای گفتوگۆی نێوان ئه‌ندامان كاری پێویستیيان له‌سه‌ر كراو ئاراسته‌ی لایه‌نی په‌یوه‌ندیدار كران به‌مه‌به‌ستی به‌دواداچوون و چاره‌سه‌ركردنيان.