Skip to the content

پەیامی هاوخەمیی سەرۆکایه‌تیی پەرلەمان بۆ کۆچی دوایی هونه‌رمه‌ندى گه‌وره‌ى كورد سه‌لام كۆیى

بەڕێزان بنەماڵە و کەسوکاری خوالێخۆشبێ هونه‌رمه‌ند سه‌لام كۆیى..
هونه‌رمه‌ندان و هونه‌ردۆستانی ئازیز..
زۆر بەداخەوە هەواڵی کۆچی دوایی هونه‌رمه‌ند و ئه‌كته‌رى به‌ تواناى كورد (سه‌لام كۆیى)مان پێگەیشت، سه‌لام كۆیى یەکێک بوو لە دیارترین ئه‌كته‌ر و هونه‌رمه‌نده‌ به‌ تواناكانی گەلەکەمان، کە زۆربەی ژیانی خۆی بۆ خزمه‌تكردنی هونه‌ر و شانۆ تەرخان کردبوو.
بە کۆچی دوایی ئه‌و هونه‌رمه‌نده‌ به‌ توانایه‌، هونه‌رى دراما و شانۆ كه‌لێنێكی گه‌وره‌ى تێکەوت، بەم بۆنە خەمناکەوە پرسە و سەرەخۆشی و هاوخه‌میی قووڵی خۆمان ئاڕاستەی بنەماڵە و كه‌سوكاری بەڕێزیان و هونه‌رمه‌ندان و هونه‌ردۆستان و هاوڕێیانی دەکەین، داواکارین لە پەروەردگار سەبر و ئارامی بە کەسوکار و ئازیزانی ببەخشێت و کۆچکردووش بە بەهەشتی بەرینی خۆی شاد بکات.
"انا للە وانا الیە راجعون"
سەرۆکایه‌تیی پەرلەمانی کوردستان
٢٠٢١/٨/١٧