لیژنهی لاوهكیی مافی بەکاربەر سەردانی قایمقامیەتی ھەولێر دەکات
![](/media/7582/kurdistan-parliament-llmafi-bakarbar.jpg?anchor=center&mode=crop&width=1200&height=630&rnd=132562406510000000)
بەمەبەستی لەنزیکەوە ئاگاداربوون لەکارەکانیان و کێشەو گرفتەکانیان، ئەمڕۆ چوارشەمە 2021/1/27، لیژنەی لاوەکیی مافی بەکاربەر كه سهر بهلیژنهی كاروبارى تهندروستی و ژینگهو مافى بهكاربهره، کەپێکھاتبوو لە د.گەلاوێژ عوبێد و بەختیار شوکری ئەندامانی لیژنەكه، سەردانی قایمقامیەتی ھەولێری کردو لەلایەن نەبەز عهبدولحهمید قایمقامی ھەولێر پێشوازیى لێکرا.
لەدیدارێکدا وێڕِِای دەستخۆشیكردن لەکارەکانیان، گفتوگۆ لەسەر نرخی کەلوپەل و پێداویستییەکانی ھاووڵاتییان و خۆراک و لیژنەکانی بەدواداچوون و چاودێریکردنی قایمقامیەت کراو ئەندامانی لیژنەكه جهختیان لهسهر ئهوه كردهوه کەپێویستە ھەوڵبدرێت پێداویستی و خۆراک بەھەرزانترین نرخ و باشترین کوالیتی بگاتە دەست ھاووڵاتییان و قۆرخکاری ئەنجام نەدرێت، ئەمەش بەزیادکردنی لیژنەکانی بەدواداچوون و چاودێریکردنی زیاتری بازاڕەکان دەکرێت، ههروهها جەخت لهوه کرایەوە كه کێشەی کەلوپەلی قاچاغ چارەسەر بکرێ و پێویستە کەس و لایەنی سەرپێچیکار سزای یاسایی وەربگرێت.
لەبەشێکی دیكهی کۆبوونەوەکەدا گفتوگۆ کرا لەسەر یاسای پاراستنی مافی بەکاربەرو تهئكید لهوه كرایهوه کەپێویستە کار بەو یاسایە بکرێت.
لەکۆتاییدا كۆبوونهوهكهشدا ئەنجامدانی ئەمجۆره سەردان و بەسەرکردنەوانە بەگرنگ و پێویست زانرا.