Skip to the content

په‌یامى پیرۆزبایی سكرتێری په‌رله‌مان به‌بۆنه‌ی جه‌ژنی قوربانى پیرۆزه‌وه‌

بەبۆنەی ھاتنی جەژنی قوربانی پیرۆزەوە، جوانترین پیرۆزبایی ئاراستەی تەواوی خەڵکی کوردستان بە ھەموو پێکھاتە جیاوازەکانییەوە دەکەین، پیرۆزباییەکی گەرم لە خانەوادەی سەربەرزی شەھیدان و پێشمەرگە قارەمانەکانی کوردستان دەکەین، هیوادارین هەمیشە لە خۆشی و جەژن و کامەرانیدا بن.
ئومێدەوارین ئەم جەژنە پیرۆزە بکەینە دەرفەتێک بۆ پتەوکردنی زیاتری یەکڕیزیی نێوانمان و تەبایی سیاسی و تێپەڕاندنی ناکۆکییەکان و زیاتر خزمەتکردنی هاونیشتمانییانی خۆشەویستی کوردستان، هەروەها هاندەرێک بێت بۆ بەهێزکردنی بنەماکانی خۆشەویستی و لێبووردەیی و یەکتر قبووڵکردن و پتەوبوونی پێکەوەژیانی نێوان سەرجەم پێکهاتە نەتەوەیی و ئاینییە جیاوازەکان لە هەرێمی کوردستان دا.
بەهیوام هاونیشتیمانیانی خۆشەویست لەگەڵ بەسەربردنی ڕۆژانی جەژن و کاتەکانیان بەخۆشی، ڕێکارە تەندروستییەکانی ڕووبەڕووبوونەوەی ڤایرۆسی کۆڕۆنا پەیڕەو بکەن لە پێناو سەلامەتیی خۆیان و ئازیزانیان، خوازیارم هەموو کات سەلامەت و لەش ساغ و تەندروست باش بن.
دووبارە جەژنی قوربانتان پیرۆزبێت و هەمیشە شاد و بەختەوەر بژین.
منی نبی قھوچی
سکرتێری پەرلەمانی کوردستان
١٩ی تەمووزی ٢٠٢١