Skip to the content
Menu

سه‌رۆكی په‌رله‌مان كۆتایى خولی به‌هاره‌ى ڕاگه‌یاند

د. ڕێواز فایق، سه‌رۆكی په‌رله‌مانی کوردستان، به‌ به‌یانێك كۆتایى خولی به‌هاره‌ى ڕاگه‌یاند، بەمه‌ش پەرلەمانی کوردستان بۆ ماوەی مانگێک دەچێتە پشووی فەرمییەوە، هەرچەندە پشووی بەهارەی پەرلەمان دەبوایه‌ لە مانگەکانی (٧) و (٨) بووایە، بەڵام پێشتر دەستەی سەرۆکایەتیی پەرلەمان بۆ ماوەی مانگێک وەرزی یاسادانانی درێژکردەوە، ئه‌مه‌ش ده‌قی (به‌یان)ه‌كه‌یه‌:
به‌یان
به‌ پێى بڕیارى ژماه‌ (٧)ى ساڵی ٢٠٢١، ماوه‌ى درێژكردنه‌وه‌ى خولى به‌هاره‌ى ساڵی سێیه‌م له‌ خولى هه‌ڵبژاردنی پێنجه‌می په‌رله‌مانی كوردستان، له‌ ٢٠٢١/٧/٣١ كۆتایى دێت و پاڵپشت به‌م بڕیاره‌ ده‌سته‌ی سه‌رۆكایه‌تیی په‌رله‌مانی كوردستان بڕیارى ڕاگه‌یاندنی كۆتاییهاتنی (خولى به‌هاره‌ی ساڵی سێیه‌م له‌ خولى هه‌ڵبژاردنی پێنجه‌می په‌رله‌مانى كوردستانى دا).
د. ڕێواز فایق
سه‌رۆكی په‌رله‌مانى كوردستان