پەیامی پیرۆزبایی سەرۆکی پەرلەمان بەبۆنەی دامەزراندنی یەکێتیی نووسەرانی جینۆسایدی کوردستان

به‌ڕێزان له‌ یه‌كێتیی نووسه‌رانی جینۆسایدی كوردستان
به‌بۆنه‌ی دامه‌زراندنی یه‌كێتیی نووسه‌رانی جینۆسایدی كوردستان، گه‌رمترین پیرۆزبایی خۆمان ئاڕاسته‌ی ده‌سته‌ی نووسه‌ران و گشت ئه‌ندامانی یه‌كێتییه‌كه‌تان ده‌كه‌ین، هیواخوازین ئه‌م هه‌نگاوه‌ گرنگ و كاریگه‌ره‌تان ڕۆڵێكی به‌رچاو ببینێت له‌ ناساندنی پرسی جینۆسایدی گه‌لی كوردستان به‌ ڕووی دونیادا، هاوكات بتوانن له‌ ڕێگه‌ی كۆنگره‌ و كۆنفڕانسه‌ نێوده‌وڵه‌تییه‌كان به‌ڵگه‌نامه‌ و ئه‌رشیفی جینۆسایدی گه‌له‌كه‌مان بۆ كۆمه‌ڵگه‌ی نێوده‌وڵه‌تی به‌ باشترین شێوه‌ بخه‌نه‌ ڕوو، ئومێد ده‌كه‌ین ئه‌م هه‌وڵه‌ نیشتمانییه‌ ناوازه‌یه‌، ڕۆڵێكی كارا بگێڕێت له‌ به‌ زیندوو هێشتنه‌وه‌ی پرسی ئه‌نفال و تاوانی جینۆسایدی شنگال و كیمیابارانی كوردستان بۆ نه‌وه‌كانی داهاتوو، حكوومه‌ت و دامه‌زراوه‌ نیشتمانییه‌كانیش پشتیوان بن به‌ هه‌موو جۆره‌ هاوكارییه‌كی هونه‌ری و لۆجستی له‌ سه‌رخستنی ئه‌م ئه‌ركه‌ پیرۆزه‌تان.
د. ڕێواز فایق
سه‌رۆكی په‌رله‌مانی كوردستان

٢٠٢١/١١/٢٦