لێژنەی دەستپاکی لەگەڵ سەرۆکی دەستەی دەستپاکی کۆبووەوە
![](/media/11733/kurdistan_parliament_ldaspaki-ddaspaki.jpg?anchor=center&mode=crop&width=800&height=600&rnd=132953629980000000)
بهمهبهستی هەماهەنگی و بەدواداچوون بۆ میکانیزمی جێبەجێکردنی ستراتیژی ڕووبەڕووبوونەوەی گەندەڵی، پێشنیوەڕۆی ئەمڕۆ دووشەممە ٢٠٢٢/٤/٢٥، لێژنەی دەستپاکی، بەسەرپەرشتیی بەڵین ئیسماعیل، سەرۆکی لێژنە و ئامادەبوونی جێگری سەرۆکی لێژنە و بڕیاردەر و ئەندامان و ڕاوێژکاری لێژنەکە، پێشوازیی لە حاکم ئەحمەد ئەنوەر، سەرۆکی دەستەی دەستپاکیی حكوومهتی ههرێمی كوردستان کرد.
لە دیدارێکدا کە لەھۆڵی لێژنە لە تەلاری پەرلەمان بەڕێوەچوو، گفتوگۆ لەسەر کاری هەماهەنگیی زیاتر و بەدواداچوونی زیاتر لەسەر میکانیزمی جێبەجێکردنی ستراتیژی ڕووبەڕووبوونەوەی گەندەڵی (٢٠٢١-٢٠٢٥) كرا، کە لەلایەن دەستەی دەستپاکی ئامادە کراوە بۆ ماوەی چوار ساڵ بۆ ڕووبەڕووبوونەوەی گەندەڵی و نههێشتنی بەھەدەردانی سامانی گشتی، دوای گفتوگۆى تێروتهسهل بڕیاری پێویست وەرگیرا.