لێژنەی ئەوقاف لەبارەی ڕاپۆرتى خوێندنه‌وه‌ى دووه‌م له‌سه‌ر پرۆژە یاسایەک کۆبوونەوە
بەمه‌به‌ستی ئاماده‌كردنی نووسینی ڕاپۆرتى لێژنه‌ی ئەوقاف وکاروباری ئاینی سەبارەت بە پرۆژەیاسای ھەمواری پیادەكردنی یاسای بەرێوەبەردنی ئەوقاف، ژمارە-(٦٤)ی ساڵی ١٩٦٦ی ھەمواركراو لەھەرێمی كوردستان، پێش نیوەرۆی ئه‌مڕۆ چوارشەمە ۲۰۲۲/۸/۱۷، لێژنه‌ی ئەوقاف و کاروبای ئاینی بەئامادەبوونی سه‌رۆك و جێگر و بڕیارده‌ر و ئه‌ندامان و ڕاوێژكارانی لێژنه‌كه كۆبووه‌وه.
له كۆبوونه‌وه‌كه‌دا، گفتوگۆ له‌سه‌ر پرۆژەیاساکە کرا، و تێیدا ئه‌ندامان ڕاو سه‌رنجی خۆیان له‌سه‌ر ئه‌و مادده و بڕگانه خسته‌ڕوو کە پێوستی بەھەموارکردنەوە ھەیە، بە لەبەر چاوگرتنی تێبینی و سەرەنجەکانی ئەنجوومەنی باڵای فەتوا لە ھەرێمی کوردستان.
دواتر راپۆرتەکەیان واژۆ کرد و ئاراستەی سەرۆکایەتیی پەرلەمانی کوردستان کرا، تاکو بخرێتە بەرنامەی کاری دانیشتنەکانی داھاتووی پەرلەمان و خوێندنەوەی دووەمی بۆ بکرێت.