د. هێمن هه‌ورامی سه‌ردانی هێزه‌كانی پێشمه‌رگه‌ی له میحوه‌ری گوێڕ كرد
ئه‌مڕۆ چوارشه‌ممه ٤ی ئایاری ٢٠٢٢، له سێیه‌مین ڕۆژی چه‌ژنی ڕه‌مه‌زانی پیرۆزدا، د. هێمن هه‌ورامی، جێگری سه‌رۆكی په‌رله‌مانی كوردستان، به‌مه‌به‌ستی جه‌ژنه پیرۆزه‌كردن و له‌نزیكه‌وه ئاگاداربوون له رٍه‌وشی هێزه‌كانی پێشمه‌رگه و دۆخی ئه‌منیی سنووره‌كه، سه‌ردانی هێزه‌كانی پێشمه‌رگه‌ی كوردستانی له میحوه‌ری گوێڕ و خاڵه‌كانی به‌رگریكردن له ده‌ڤه‌ره‌كه كرد و له‌لایه‌ن فه‌رمانده و ئه‌فسه‌رانی هێزه‌كانی پێشمه‌رگه له سنووره‌كه پێشوازیی لێكرا.
له‌میانی سه‌ردانه‌كه‌یدا، جێگری سه‌رۆكی په‌رله‌مانی كوردستان، به‌ناوی په‌رله‌مانی كوردستانه‌وه پیرۆزبایی جه‌ژنی ڕه‌مه‌زانی پیرۆزى له قه‌رمانده و ئه‌فسه‌ران و پێشمه‌رگه‌كان كرد و ئاماژه‌ی به ئازایه‌تی و قاره‌مانییه‌تی هێزه‌كانی پێشمه‌رگه كرد له به‌رگریكردن له خاك و خه‌ڵك و پاراستنی قه‌واره‌ی ده‌ستووریی هه‌رێمى كوردستان له ده‌ستی تیرۆریستانی داعش. هاوكات ئاماده‌یی په‌رله‌مانی كوردستانیشى بۆ هه‌ر پڕۆژه و پێشنیازه‌یاسایه‌ك بۆ خزمه‌تكردنی زیاترى هێزه‌كانی پێشمه‌رگه ده‌ربڕی و ڕاشیگه‌یاند: "هێزی پێشمه‌گه‌ی كوردستان سه‌لماندوویانه كه هه‌میشه قه‌ڵغانێكی به‌هێزن بۆ پاراستنی كوردستان و قه‌واره ده‌ستوورییه‌كه‌ی".
