په‌یامی هاوخه‌میی د. هێمن هه‌ورامی بۆ قوربانییانی ڕووداوی ته‌قینه‌وه‌كه‌ی دهۆك

به‌بیستنی ئه‌و ڕووداوە دڵتەزێنەی شەوی ڕابردووى دهۆک، كه‌ بەهۆی تەقینەوەی سەمونخانە و باڵەخانەی بەشە ناوخۆییەک كه‌وته‌وه‌ و به‌هۆیه‌وه‌ چوار كه‌س گیانیان لەدەستدا و ٣٣ كه‌سیش برینداربوون، زۆر خه‌مبار و دڵته‌نگبووین، پرسه‌ و سه‌ره‌خۆشی و هاوخه‌میی قووڵی خۆمان ئاراسته‌ی خانه‌واده‌ و بنه‌ماڵه‌ی كۆچكردووان ده‌كه‌ین و لە خوای گەورە داواكارین ئارامی و دڵنه‌وایی به‌هه‌مووان ببه‌خشێت و گیانی خوالێخۆشبووانیش بە بەهەشتی بەرینی خۆی شاد بکات، هیوای زوو چاكبوونه‌وه‌ش بۆ بریندارانی ئه‌و ڕووداوه‌ دڵته‌زێنه‌ ده‌خوازین.
د. هێمن هه‌ورامی
جێگرى سه‌رۆكی په‌رله‌مانى كوردستان
٢٠٢٢/١١/٢٢