لێژنەی كاروباری كۆمەڵایەتی و داكۆكیكردن لە مافی مرۆڤ لەگەڵ یەکێتی بەڵێندەران و پیاوانی کار كۆبووەوە
![](/media/13222/photo_2022-10-05_10-17-04.jpg?anchor=center&mode=crop&width=1200&height=630&rnd=133094346310000000)
بە مەبەستی وەرگرتنی سەرنج و تێبینییەكانیان لەسەر پڕۆژەیاسای كار و دەستەبەری كۆمەڵایەتی، ئەمڕۆ چوارشەممە ٢٠٢٢/١٠/٥، بە سەرپەرشتی بەدریە ئیسماعیل بڕیاردەری لێژنەی كاروباری كۆمەڵایەتی و داكۆكیكردن لە مافی مرۆڤ، و ئامادەبوونی ژمارەیەک لە ئەندامان و راوێژکارانی لێژنەکە، لەگەڵ نوێنەری یەکێتی بەڵێندەران و پیاوانی کار کۆبوونەوە.
لە كۆبوونەوەكەدا سەرنج و تێبینی و پێشنیازەكان بۆ لێژنەکە شیکرانەوە لەسەر بڕگە و ماددەكانی پڕۆژەیاساكە، هاوکات لێژنەکە داوای لە نوێنەری بەڵێندەران و پیاوانی کار کرد، کە بە نووسراوی فەرمی سەرنج و تێبینییەکان ئاراستەی لێژنەکە بکرێت، بەمەبەستی دەوڵەمەند کردنی پڕۆژە یاساکە.