ئه‌مڕۆ سێشه‌ممه‌ ٢٠٢٣/٢/٢٨ به‌سه‌رپه‌رشتی د. ڕێواز فائق، سه‌رۆكی په‌رله‌مانی كوردستان، به‌ئاماده‌بوونی سه‌رۆك و ئه‌ندامانی لیژنه‌ی كشتوكاڵ و ئاودێری، ڕاوێژكارانی په‌رله‌مانی كوردستان، كۆبوونه‌وه‌یه‌كی ڕاوێژكاری سه‌باره‌ت به‌ پێشنیازه‌یاسای به‌ركاركردن و هه‌مواری پیاده‌كردنی یاسای كه‌ره‌نتینه‌ی كشتوكاڵی عێراقی ژماره‌ ٧٦ ی ساڵی ٢٠١٢ ی هه‌مواركراو له‌هه‌رێمی كوردستان- عێراق به‌ڕێوه‌چوو.

له‌ كۆبوونه‌وه‌كه‌دا گفتوگۆی تێروته‌سه‌ل له‌باره‌ی پێشنیازه‌ یاساكه‌ كراو بڕیاردرا كه‌ كۆبوونه‌وه‌یه‌كی دیكه‌ی فراوان له‌گه‌ڵ وه‌زاره‌تی كشتوكاڵدا بكرێت، به‌ مه‌به‌ستی ئاڵوگۆڕكردنی بیروڕاكان و ئاماده‌كردنی ڕاپۆرتی كۆتایی بۆ پێشنیازه‌ یاساكه‌.