بە بۆنەی تێپەربوونی (٣٢) ساڵ بەسەر راپەرینی شاری هەولێری خۆشەویست، جوانترین پیرۆزبایی ئاراستەی سەرجەم هاوڵاتیانی هەرێمی کوردستان بەگشتی و شاری هەولێر بەهەموو پێکهاتە جیاوازەکانەوە بەتایبەت دەکەم.

ڕاپەرینی خەڵکی شاری هەولێری پایتەخت دژی زوڵم و ستەمی رژێمی بەعسی لەناوچوو، گرنگ و بایەخی تایبەتی خۆی هەبوو و ئازادکردنی تەواوی کوردستانی کردە ئەمری واقع و هەناسەی ئازادی و ئومێدی سەرکەوتنی بەخشیە هاووڵاتیانی کوردستان، هاندەرێکی بەهێز بوو بۆ رووخانی دام و دەزگاکانی بەعسی دیکتاتۆر لەسەرجەم شار و شارۆچکەکانی کوردستان لە ماوەیەکی کەمدا.

بەرز و پیرۆزبێت ساڵرۆژی ئەو یادە پر شکۆیە و هەزاران سڵاو بۆ روحی پاکی شەهیدانی راپەرین و سەرجەم شەهیدانی رێگەی رزگاری کوردستان.

منی نبی قهوەچی

سکرتێری پەرلەمانی کوردستان

١١ی ئازاری ٢٠٢٣